អំពីយើង | ប្រវត្តិសង្ខេប

ប្រវត្តិសង្ខេប

                        

ទីតាំងការិយាល័យកណ្តាលៈ

គ្រឹះស្ថានមីក្រូហិរញ្ញវត្ថុ សម្ព័ន្ធសមាគម សហគ្រាសធុនតូចនិងមធ្យមកម្ពុជា ភីអិលស៊ី គឺជាគ្រឹះស្ថានដែលបានបង្កើត​ឡើង ដែលមានទីតាំងនៅអាគារលេខ ១៦៦តេ មហាវិថីព្រះនរោត្តម សង្កាត់ទន្លេបាសាក់  ខ័ណ្ឌ ចំការមន ក្រុងភ្នំពេញ ទទួលបានលិខិតអនុម័តយល់ព្រមធ្វើប្រតិបត្តិការក្នុងវិស័យមីក្រូហិរញ្ញវត្ថុពីធនាគារជាតិ​នៃកម្ពុជានៅថ្ងៃទី ០៥ ខែកញ្ញា ឆ្នាំ២០១៥ ។ គ្រឹះស្ថានបានចុះបញ្ជីជាមួយក្រសួងពាណិជ្ជកម្មនិងទទួលបានវិញ្ញាបនប័ត្រអាជីវកម្មនៅថ្ងៃទី០៦ ខែកញ្ញា ឆ្នាំ២០១៥  ភ្លាមៗនោះ គ្រឹះស្ថានមីក្រូហិរញ្ញវត្ថុ សម្ព័ន្ធសមាគម សហគ្រាសធុនតូចនិងមធ្យមកម្ពុជា ភីអិលស៊ី បានបើកសម្ពោធជាផ្លូវការហើយបានចាប់ផ្តើមប្រតិបត្តិការនៅថ្ងៃទី០៧ ខែ​កញ្ញា ឆ្នាំ២០១៥ នៅថ្ងៃដដែល។ គោលដៅរបស់យើងក្នុងការបង្កើត គ្រឹះស្ថានមីក្រូហិរញ្ញវត្ថុ នេះគឺដើម្បី ផ្តល់នូវកម្ចីដ៏ទូលំទូលាយដល់ប្រជាជនកម្ពុជាទាំងអស់ដែលត្រូវការដើមទុន ជាពិសេសនៅក្នុងសហគ្រាសធុនតូចនិងមធ្យមទាំងនៅភ្នំពេញនិងនៅជនបទ។ លើសពីនេះទៅទៀត យើងបានពិនិត្យមើលឃើញចក្ខុវិស័យរបស់ខ្លួនថាគ្រឹះស្ថានមីក្រូហិរញ្ញវត្ថុនេះនឹងក្លាយជាគ្រឹះស្ថានមួយ ដែលផ្តល់នូវសេវាកាន់តែច្រើន និងមានសាខានិងអតិថិជនកាន់តែច្រើន   ខណៈពេលដែលគ្រឹះស្ថានមីក្រូហិរញ្ញវត្ថុនិងរីកចម្រើន នាពេលអនាគត់ មានន័យថាស្ថាប័នរបស់យើងបានរួមចំណែកដល់ការអភិវឌ្ឍន៍សង្គម។ នៅ​ក្នុងវិស័យសេដ្ឋកិច្ចនិងជួយដល់យុវជនកម្ពុជាក្នុងការរកការងារធ្វើនៅតាមតំបន់ និងដើម្បីបង្កើនប្រាក់ចំណូលរបស់អ្នកមានប្រាក់ចំណូលទាបនិងដើម្បីលើកកម្ពស់ វិស័យមីក្រូហិរញ្ញវត្ថុអោយដូចប្រទេសជិតខាងរបស់របស់យើង។

ទីតាំងសាខាក្រុងតាខ្មៅៈ

ដោយមានសេចក្តីណែនាំពីលោកអគ្គនាយ និងលោកស្រីប្រធាននាយកគ្រប់គ្រងទូទៅ បានមើលឃើញនូវចក្ចុវិស័យផ្នែកវិស័យធនាគារនិងគ្រឹះស្ថានមីក្រូហិរញ្ញវត្ថុនេះ មានសន្ទុះកើនឡើង និងមានការជឿជាក់ពីអតិថិជនចាស់ថ្មីរបស់យើង គណៈគ្រប់គ្រងរបស់យើងបានសម្រេចចិត្តបង្កើតសាខានៅក្រុងតាខ្មៅមួយទៀតក្នុងឆ្នាំ២០១៩ ដើម្បីជួយសម្រួលដល់អតិថិជនរបស់យើងអាចធ្វើប្រិតិបត្តិការនៅជិតតំបន់របស់គាត់និងចំណេញពេលវេលាក្នុងការធ្វើដំណើរមកសាខាកណ្តាល យើងក៏បានស្នើសុំដល់ធនាគារជាតិបើកសាខារបស់យើងដែលមានទីតាំងនៅអាគារផ្ទះលេខ ១៥ EoE1 ផ្លូវ ហាយវ៉េលេខ២១ ភូមិ សំរោងមួយ សង្កាត់តាខ្មៅ ក្រុងតាខ្មៅ ខេត្តកណ្តាល នៃព្រះរាជាណាចក្រកម្ពុជា។ ភាពជឿជាក់របស់អតិថិជនដែលបានប្រើប្រាស់  សេវាកម្មរបស់យើង បានធ្វើអោយយើងមានកំលាំង    ចលករបង្កើតបានសាខានេះមួយទៀត ដែលជាសាខាទីមួយរបស់យើង ជាការពិតណាស់ គ្រឹះស្ថានយើងមានបុគ្គលិករួសរាយរាក់ទាក់ និងត្រៀមផ្តល់ប្រឹក្សាយោបល់ដល់អតិថិជនចាស់ថ្មីរបស់យើង ហើយមានសេវាកម្មរហ័ស មានលក្ខខ័ណ្ឌងាយស្រួល ឯកសារមិនស្មុគស្មាញ ប្រភេទឥណទានមានជាប្រាក់រៀល និងប្រាក់ដុល្លារ គ្រប់ទំហំឥណទាន ដែលអតិថិជនត្រូវការ ។

ទីតាំងសាខាកួរស្រូវៈ

ចុងឆ្នាំ២០២០ គ្រឹះស្ថានមីក្រូហិរញ្ញវត្ថុ សម្ព័ន្ធសមាគមសហ​​​​គ្រាសធុនតូចនិងមធ្យមកម្ពុជា ភីអិលស៊ី បានពិនិត្យនិងលើកយកផែនការណ៍បន្ទាប់ក្នុងឆ្នាំ២០២១មក ដោយមានការចូលរួម និងផ្តល់យោបល់ពីថ្នាក់ដឹកនាំជាន់ខ្ពស់ និងភាគទុនិកផ្សេងៗទៀត បានរៀបចំបង្កើតសាខាមួយកន្លែងទៀតដែលនៅជាយក្រុងភ្នំពេញ ដែលជាកន្លែង អទិភាពសេដ្ឋកិច្ចនាពេលបច្ចុប្បន្ន។  នៅចុងឆ្នាំ២០២០នេះ យើងក៏បានបង្កើត និងបានស្នើសុំអាជ្ញាប័ណ្ណធនាគារជាតិ និងបានចុះបញ្ជីនៅក្រសួងនិងពន្ធដា ហើយយើងក៏បានចាប់ប្រតិបត្តិការនៅដើមឆ្នាំ២០២១កន្លងមកនេះ ដោយមានការជឿជាក់ពីអតិថិជនជិតឆ្ងាយដែលបានប្រើប្រាស់សេវាកម្មរបស់ យើងបានធ្វើអោយអតិថិជនរឹតតែជឿជាក់យ៉ាងខ្លាំង អំពីការរីកចម្រើនរបស់គ្រឹះស្ថាន ។ ឥលូវកាន់តែងាយស្រួល និងមិនធ្វើដំណើរឆ្ងាយហើយយូរទៀត គាត់អាចធ្វើដំណើរទៅកាន់សាខាថ្មីរបស់យើងនៅក្បែរៗផ្ទះរបស់គាត់ គ្រឹះស្ថានយើងបានផ្តល់សេវាកម្មនិងផលិតផល និងបត់បែនតាមសេចក្តីត្រូវការរបស់គាត់ដែលមានអស័យដ្ឋាន  ១១-១៣ ផ្លូវជាតិលេខ២ ភូមិកំពង់ស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។ កាន់តែច្បាស់សូមចូល Facebook page; Fasmec Microfinance Plc.